“Səs” romanı

Kəramət Böyükçöl özünün qatıldığı deputat seçkiləri haqda “Səs” romanını yazdı və indi onu oxuyanlar görəcək ki, “bu dünyada elə şeylər var ki,” onların incəliklərini və bəzi cəhətlərini yalnız siyasi roman vasitəsilə ifadə edib göstərmək olar. Seçki sırf siyasi proses olaraq həm mövzu, həm də mahiyyət etibarilə bədii ədəbiyyatın klassik roman səciyyəsinə bir qədər ziddir. Ancaq operativ sosial şəbəkə reportyorluğunun qonşuluğunda müasir roman janrı artıq sərhəd tanımır.